ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

សហភាពអាហ្វ្រិកចរចាជាមួយ WHO ស្តីពីការចាប់ផ្តើមយុទ្ធនាការវ៉ាក់សាំងគ្រុនចាញ់

  • ចុះផ្សាយថ្ងៃទី០៨ ខែតុលា ឆ្នាំ២០២១ ម៉ោង ០៩:២៦ នាទី ដោយ Mesa
  • 512
  Aa |   aA

អាហ្វ្រិក៖ សហភាពអាហ្វ្រិក នឹងចាប់ផ្តើមកិច្ចពិភាក្សាមួយជាមួយអង្គការសុខភាពពិភពលោក (WHO) អំពីផែនការទទួលបានការអនុម័តស្តីពីការប្រើប្រាស់វ៉ាក់សាំងបង្ការជំងឺគ្រុនចាញ់ទៅលើពលរដ្ឋនៃទ្វីបអាហ្វ្រិកឱ្យបានឆាប់រហ័សបំផុតតាមដែលអាចធ្វើទៅបាន។ នេះបើតាមការបញ្ជាក់ពីមន្រ្តីជាន់ខ្ពស់ទទួលបន្ទុកផ្នែកសុខាភិបាលនៃសហភាពអាហ្វ្រិកបានបញ្ជាក់ឱ្យដឹង ស្របពេលដែលស្ថាប័ននេះក៏បានស្នើសុំកញ្ចប់ថវិកាគាំទ្របន្ថែមលើតំរូវការនៃការប្រយុទ្ធប្រឆាំងនឹងជំងឺកូវីដ-១៩ ផងដែរ។

មន្រ្តីជាន់ខ្ពស់នៃនាយកដ្ឋានប្រយុទ្ធនឹងជំងឺឆ្លង (CDC) សហភាពអាហ្វ្រិក លោក John Nkengasong បានបញ្ជាក់ថា ក្រោយពេលដែលអង្គការសុខភាពពិភពលោក (WHO) បានទទួលស្គាល់នូវវ៉ាក់សាំងមួយប្រភេទដែលមានឈ្មោះថា RTS,S ឬ Mosquirix ដែលស្រាវជ្រាវ និងផលិតដោយក្រុមអ្នកវិទ្យាសាស្រ្តនៃចក្រភពអង់គ្លេស GlaxoSmithKline វ៉ាក់សាំងនេះគួរតែត្រូវបានផ្តល់ឱ្យកុមារទាំងអស់នៅទូទាំងទ្វីបអាហ្វ្រិក។ ក្រុមអ្នកជំនាញបាននិយាយថាអនុសាសន៍នេះគឺពិតជាមានសារៈសំខាន់ខ្លាំង និងជាវិធីសាស្រ្តដ៏ចាំបាច់មួយក្នុងការបង្ការជំងឺគ្រុនចាញ់ដែលបានសម្លាប់កុមារនៅទ្វីបអាហ្រ្វិកប្រមាណជា ២៥ម៉ឺននាក់ជារៀងរាល់ឆ្នាំ។

លោក John Nkengasong​ បានថ្លែងក្នុងសន្និសីទតាមប្រព័ន្ធ Online មួយថា៖ "យើងនឹងចូលរួមជាមួយ GAVI (សម្ព័ន្ធវ៉ាក់សាំង) និង WHO នៅប៉ុន្មានថ្ងៃខាងមុខនេះដើម្បីស្វែងយល់ពីលទ្ធភាពផ្គត់ផ្គង់ដំបូងនៃវ៉ាក់សាំងនេះ"។ ទន្ទឹមនឹងនេះ លោកក៏បានអំពាវនាវឱ្យបណ្តាប្រទេសជាម្ចាស់ជំនួយ WHO កុំព្រងើយកន្តើយចំពោះបញ្ហាវ៉ាក់សាំងជំងឺគ្រុនចាញ់នេះ ដោយផ្តោតតែលើខ្ទង់ចំណាយនៃបញ្ហាកូវីដ-១៩។

យ៉ាងណាក្តី CDC អាហ្វ្រិកមិនទាន់អាចធានាបាននៅឡើយទេ ចំពោះការចែកចាយវ៉ាក់សាំងទៅគ្រប់បណ្តាប្រទេសទាំងអស់នៃទ្វីបអាហ្វ្រិក ដោយផ្អែកលើថ្លៃចំណាយទិញវ៉ាក់សាំង ព្រមទាំងលទ្ធភាពនៃការផ្គត់ផ្គង់ពីរោងចក្រផលិតវ៉ាក់សាំង។ គួរបញ្ជាក់ថា វ៉ាក់សាំងបង្ការជំងឺគ្រុនចាញ់ Mosquirix ត្រូវបានចំណាយពេលជាង ៣០ឆ្នាំមកហើយក្នុងការសិក្សា និងអភិវឌ្ឍន៍។ ដោយឡែក ក្រុមហ៊ុន GSK ជាក្រុមហ៊ុនមួយដែលទទួលបានសិទ្ធិផលិតវ៉ាក់សាំងនេះបានប្តេជ្ញាក្នុងការផលិតវ៉ាក់សាំងនេះឱ្យបានប្រមាណ ១៥លានដូសក្នុងមួយឆ្នាំ៕




ព័ត៌មានជាច្រើនទៀតសម្រាប់អ្នក